2/14/2011

NOVAS XERACIÓNS DE SALCEDA DE CASELAS ORGANIZA UNHA VIAXE Á NEVE


A viaxe realizarase na fin de semana do 19 e 20 de marzo e terá un custo de 100 euros. As prazas son limitadas

Os mozos do Partido Popular de Salceda de Caselas non deixan de organizar eventos e actividades para promover e fomentar a cultura e o deporte. Primeiro foi un campamento de verán, logo a peregrinación ao Santuario da Franqueira e a Santiago de Compostela e agora, Novas Xeracións do PP de Salceda de Caselas organiza para os máis mozos do municipio unha viaxe á neve. Trátase dunha excursión á estación leonesa de San Isidro a fin de semana dos días 19 e 20 de marzo.

As prazas son limitadas, polo que todas aquelas persoas interesadas en participar desta actividade de práctica do esquí deben poñerse en contacto cos membros do partido canto antes, ben mediante os teléfonos 606 859 285 ou 670 877 470, ben escribindo un correo electrónico ao enderezo novasxeraciónsalceda@gmail.com. A viaxe ten un custo de 100 euros.

2/10/2011

O PARTIDO POPULAR DE SALCEDA DE CASELAS CELEBRA O DÍA DOS NAMORADOS CUNHA FESTA NO CENTRO SOCIAL DA DEVESA


A cita será o vindeiro domingo, 13 de febreiro, a partir das 18.00 horas. Haberá música, sorteos e chocolate para todos os asistentes

Cuadro de texto: SALCEDA DE CASELAS

Celebrando sempre os festexos máis tradicionais, o Partido Popular de Salceda de Caselas organiza para este domingo, 13 de febreiro, a Festa dos Namorados. Adiantándose ao día de San Valentín, os populares salcedenses convidan a todos os veciños a que participen desta festa que estará amenizada por un grupo musical e na que se realizarán diversos sorteos, ademais tamén haberá chocolate para todos os asistentes.

O Centro Social da Devesa será o escenario, a partir das 18.00 horas, deste festexo. A entrada é de balde.

A SEDE DO PP DE SALCEDA DE CASELAS ACOLLE A VISITA DE JOSÉ JUAN DURÁN


O secretario de Organización do PP Provincial de Pontevedra puido comprobar de primeira man a posta en marcha das diferentes liñas de traballo que están a levar a cabo os populares salcedenses de cara ás eleccións do 22 de maio

Cuadro de texto: SALCEDA DE CASELAS

Nos últimos días, e no marco dunha das frecuentes reunións celebradas polos membros do Comité Local, a nova sede do Partido Popular de Salceda de Caselas recibiu a visita do secretario de Organización do PP Provincial de Pontevedra, José Juan Durán.

Os populares salcedenses están xa a traballar de cara ás vindeiras eleccións municipais do 22 de maio, trazando as diferentes liñas de traballo a seguir sempre en beneficio do municipio e dos seus veciños, con propostas construtivas e produtivas para todos. Santiago Rodríguez Davila, presentado oficialmente candidato á Alcaldía o pasado sábado, encabeza, como el ben define, “un gran equipo, forte e unido, no que se une xuventude, formación, experiencia e compromiso co pobo salcedense”. Un compromiso, traballo e esforzo que o propio José Juan Durán puido comprobar de primeira man nesta reunión ordinaria, unha das moitas celebrada polo PP local na que se analiza e debate respecto da situación actual do municipio, formulando melloras, alternativas ou novas propostas.

Presentación candidato popular en Salceda

2/06/2011

SANTIAGO RODRÍGUEZ DAVILA APOSTA POR UN GOBERNO AUSTERO, PLANIFICADO, COMPROMETIDO E PRÓXIMO AOS VECIÑOS DE SALCEDA DE CASELAS













· O Partido Popular avogou polo cambio, “deixando atrás catro anos de parálises e rachando cos bipartitos”

· Cuadro de texto: SALCEDA DE CASELASO alcaldable salcedense pediu “sacrificio, humildade e respecto”, comprometendo, entre outros proxectos, a realización dun estudio de viabilidade para a construción dun aparcamento subterráneo na contorna da Praza da Devesa

O Partido Popular de Salceda de Caselas vén de presentar na noite de onte ao seu candidato á Alcaldía nos vindeiros comicios electorais de maio de 2011. Arroupado por centos de militantes e simpatizantes, de diversos persoeiros do partido a nivel comarcal e rexional, destacando a presenza do secretario xeral do PP de Galicia, Alfonso Rueda e do presidente do PP Provincial de Pontevedra, Rafael Louzán, Santiago Rodríguez Davila, actual concelleiro e presidente do PP local foi presentado como o mellor candidato á Alcaldía e o próximo alcalde de Salceda de Caselas.

“Austero, planificado, comprometido e próximo aos veciños”, así definiu Rodríguez Davila o futuro Goberno local, “respectando a todos por igual sen ter en conta a súa opción política”, engadía. Nesta liña, o candidato pedía a todos os alí presentes “sacrificio, para conseguir un goberno que nos represente a todos, humildade e, sobre todo, respecto”.

Parálise e desgoberno do bipartito

Cuadro de texto: SALCEDA DE CASELAS

“Ata o de agora o PP fixo unha oposición coherente e responsable, sen demagoxias nin enganos aos veciños, e así o continuaremos facendo pero dende o Goberno”. Deste xeito, Rodríguez Davila, ao igual que Louzán e Rueda nas súas respectivas intervencións, apelaban ao cambio en Salceda de Caselas. “Porque xa abonda de parálise, xa abonda de pelexarse polo bastón de mando, xa abonda de gastar sen control mirando só polos propios intereses”, sinalaba o presidente do PP provincial referíndose ao bipartito, “dous partidos que non coinciden nin en ideas nin en programa e que se xuntan unicamente para apartar ao PP do poder”. Louzán continuaba o seu discurso facendo fincapé “na necesidade de acabar con estes pactos de intereses porque á mínima oportunidade volverán a xuntarse e volverán a deixar a Salceda de Caselas na estacada. Se queredes un goberno que goberne e un alcalde que xestione, ese vai ser Santiago Rodríguez Davila”, aseguraba.

Os populares definiron os catro anos de bipartito como catro anos perdidos, “arrasaron con todo o feito, subíronse os soldos e ignoraron as propostas do PP con actitude prepotente”. Rodríguez Davila explicou que o que fixeron nacionalistas e socialistas no municipio de Salceda de Caselas foi distribuír fondos procedentes de plans xerados por outras administracións, “sen molestárense eles nunca por facer ningún tipo de xestión nin negociacións”; gastar sen control algún, “de aí a factura de 500 euros do teléfono móbil do alcalde tan só en mensaxes de texto” e non cumprir co prometido, como é o caso do centro de saúde, “o maior engano aos veciños, pois os terreos aínda non están en poder da Xunta e previamente o Concello aínda ten que urbanizar a parcela, polo que tardaremos uns anos en ver realidade este proxecto electoral tan prometido polos nacionalistas”.

Estudio de viabilidade para a realización dun aparcamento subterráneo na Praza da Devesa e outras apostas construtivas

Cuadro de texto: SALCEDA DE CASELAS

A realización dun estudio para a construción dun aparcamento subterráneo na contorna da Praza da Devesa será un dos proxectos que Santiago Rodríguez Davila porá en marcha unha vez chegado ao Goberno local. Ademais, co PP no Concello de Salceda de Caselas rematará o despilfarro nos soldo, “que deixarán de ser dobres”; potenciarase o comercio local en colaboración con Acisa, “formando e impulsando á creación de postos de traballo e novas empresas” e potenciarase o deporte base aumentando as escolas deportivas a outras modalidades. Así mesmo, Rodríguez Davila asegurou que as parroquias terán sempre a mesma prioridade e atención que o casco urbano, “porque todos somos veciños por igual, cos mesmos dereitos e obrigas”.

Para todo elo, de cara á celebración dos comicios do 22 de maio o candidato á Alcaldía estará arroupado por “un gran equipo, forte e unido”, no que se une xuventude, formación, experiencia e compromiso co pobo salcedense. “Porque xuntos é posible, e co apoio de todos vós, en Salceda de Caselas volverá a gobernar o Partido Popular”, concluía Rodríguez Davila.

Presentación candidato PP Salceda de Caselas