O PP DE SALCEDA DE CASELAS RECIBE A VISITA DE AGUSTÍN HERNÁNDEZ

O conselleiro comprobou de primeira man a necesidade do proxecto na ponte da Lagüela, que Santiago Rodríguez Davila e o seu equipo levan no seu programa. Ademais, tamén se achegou a Tabernanova (Soutelo) e á sede local do partido

O Partido Popular de Salceda de Caselas recibiu na tarde de onte venres a visita do conselleiro de Medio Ambiente, Territorio e Infraestruturas da Xunta de Galicia, Agustín Hernández. Os membros da candidatura, encabezada por Santiago Rodríguez Davila, presidente do PP local e candidato á Alcaldía percorreron diferentes puntos do municipio co conselleiro para mostrarlle algunhas dos seus proxectos incluídos no programa electoral que foron apoiados por Hernández.

Deste xeito, a ponte da Lagüela foi un dos lugares a visitar, e no que Hernández puido comprobar de primeira man o perigoso cruce de entrada ao centro urbano, comprometéndose a traballar para darlle unha solución a este problema, ao igual que o PP de Salceda de Caselas que xa expuxo en público, durante o acto de presentación da candidatura a pasada semana, un borrador da obra pensada para salientar este inconveniente.

A Tabernanova, na parroquia de Soutelo, foi outro dos puntos a visitar e onde Hernández se comprometeu a facer as obras precisas apra remodelar este importante núcleo de vivendas, sendo considerado como o segundo centro comercial de Salceda despois do casco urbano da vila. Os traballos céntranse na construción de novas beirarrúas e na execución do saneamento, así como tamén unha remodelada iluminación e sinalización.

Finalmente, a visita rematou na nova sede do Partido Popular de Salceda de Caselas onde mantivo unha xuntanza con todos os membros do Comité Local, que lle expuxeron as súas promesas e as súas propostas pensadas e centradas no municipio e en todos os veciños para os vindeiros catro anos.